पिंपरी चिंचवड :- समाजकारणाशी निष्ठा आणि जनतेच्या प्रश्नांशी बांधिलकी जपणारे शिवकुमार बसवराज बनसोडे यांनी आम आदमी पार्टीत प्रवेश केला. हा पक्षप्रवेश सोहळा शहर प्रवक्ते सुरेश गायकवाड आणि शहराध्यक्ष रविराज काळे यांच्या प्रमुख उपस्थितीत पार पडला.
या प्रसंगी विकी पासोटे यांच्या नेतृत्वाखाली बनसोडे यांनी पक्षाचा झेंडा स्वीकारत आम आदमी पार्टीच्या विचारधारेबद्दल आपला विश्वास व्यक्त केला. बोलताना त्यांनी सांगितले की, “सामान्य नागरिकांच्या समस्या सोडविण्यासाठी आणि पारदर्शक, स्वच्छ राजकारण घडविण्यासाठी आम आदमी पार्टीचाच मार्ग योग्य आहे.”
या कार्यक्रमात सोनू बाळासाहेब हिंगे, मयूर अशोक गंगावणे, नागेश बसवराज गायकवाड, लक्ष्मण भाजपा शिवशरण आणि प्रवीण केंजळे यांनी देखील आम आदमी पार्टीत प्रवेश करून सक्रिय सहभागाची ग्वाही दिली.
या नवीन प्रवेशामुळे पक्षाच्या संघटनात्मक कार्याला नवी ऊर्जा मिळणार असून, पिंपरी चिंचवड शहरातील जनतेपर्यंत आम आदमी पार्टीची भूमिका अधिक प्रभावीपणे पोहोचेल, असा विश्वास शहराध्यक्ष रविराज काळे यांनी व्यक्त केला.
